Diaspora po ndryshon qasje – Ajredini: Jo vetëm remitenca, duam të krijojmë biznese në Kosovë

Zëvendëspresidenti i Odës Ekonomike Zvicër–Kosovë, Butrint Ajredini, u ka bërë thirrje shqiptarëve të diasporës dhe investitorëve zviceranë që të investojnë në Kosovë, duke vlerësuar se kapitali i tyre mund të krijojë biznese, vende pune dhe zhvillim të qëndrueshëm ekonomik.Në “Përballje Podcast”, me kryeredaktorin e Telegrafit, Ajredini tha se diaspora shqiptare ka luajtur historikisht rol të rëndësishëm në mbështetjen ekonomike të Kosovës përmes remitencave. View this post on Instagram A post shared by Telegrafi.com (@telegrafi) Megjithatë, sipas tij, qasja po ndryshon te gjenerata e dytë dhe e tretë e shqiptarëve që jetojnë jashtë vendit.“A duhet të vijnë shqiptarët e diasporës apo zviceranët të investojnë në Kosovë? Po, duhet të vijnë. Në të kaluarën, shqiptarët e kanë mbajtur Kosovën përmes remitencave, por kjo po ndryshon me gjeneratën e dytë dhe të tretë”, deklaroi Ajredini.Ai theksoi se brezat e rinj të diasporës nuk duan të dërgojnë para vetëm për konsum, por synojnë të investojnë në biznese që krijojnë paga dhe mundësi të reja punësimi.“Gjenerata e dytë dhe e tretë nuk dëshiron vetëm të dërgojë para për konsum. Ne duam të krijojmë biznese, të paguajmë paga dhe t’u mundësojmë njerëzve e familjeve të jetojnë dhe të ndërtojnë të ardhmen e tyre në Kosovë”, tha ai. - YouTube www.youtube.com Sipas Ajredinit, investimet e diasporës mund ta zgjerojnë tregun dhe sektorët ekonomikë, duke krijuar vende pune që përputhen me arsimimin dhe përgatitjen profesionale të të rinjve.Ai vlerësoi se të rinjtë që përfundojnë fakultetin, trajnimet profesionale ose mësojnë një zanat duhet të kenë mundësi të punojnë në profesionet për të cilat janë përgatitur.“Secili që përfundon një shkollë apo fakultet duhet të ketë mundësi të punojë në profesionin që ka mësuar. Nuk duhet që dikush që ka përfunduar Fakultetin Ekonomik të detyrohet të punojë si kamerier vetëm sepse nuk ka mundësi tjetër”, u shpreh Ajredini. “Ta kisha ditur më herët, do të investoja më shumë” – Ajredini tregon si n