"Real Madridi është i dobët dhe nuk ka plan", ish-ylli i ekipit sulmon Mourinhon dhe lojtarët

Ish-lojtari i Real Madridit, Claude Makelele, kritikoi ashpër ekipin dhe trajnerin Jose Mourinho pas humbjes 2-1 në derbin e qytetit kundër Atletico Madridit.Ndërsa trajneri portugez ia hodhi fajin gjyqtarëve, ish-ylli francez ofroi një pikëpamje krejtësisht ndryshe të situatës dhe e zhvendosi përgjegjësinë drejtpërdrejti mbi stafin e trajnerëve dhe lojtarët. “Lojtarët e Realit nuk e kuptojnë njëri-tjetrin dhe ka një mungesë të dukshme komunikimi me trajnerin. Mourinho duhet të ketë një bisedë serioze me ekipin sepse Reali po vepron jashtëzakonisht dobët, pa asnjë plan loje. Pres shumë më tepër nga një klub me një famë të tillë", ka thënë Makelele për ESPN.🚨 Claude Makélélé: "There’s no understanding between the players, or between the players and the coach. Mourinho needs to talk to them. The team is weak, there’s no game plan or clear ideas. There’s absolutely NOTHING. We have to demand more from them. The problem isn’t the… pic.twitter.com/hgZekrA7kW — Madrid Xtra (@MadridXtra) September 21, 2026 Për shkak të pengesës së re, klubi mbretëror tani është gjashtë pikë prapa liderëve, Barcelonës, dhe ka regjistruar fillimin e tij më të keq të sezonit që nga viti 2020 me vetëm 15 pikë në shtatë xhiro.Edhe pse mposhtën Espanyolin, Real Sociedadin, Malagan, Rayo Vallecanon dhe Elchen, humbjet në derbit kundër Real Betisit dhe Atleticos i vunë në dukje qartë problemet në lojë. Për Real Madridin, ky është një alarm serioz sepse katalunasit po ia mbathin rrezikshëm prej tyre që në hapjen e kampionatit.Pas dy vitesh pa një trofe të rëndësishëm, investimet e mëdha të verës prej 225 milionë eurosh dhe rikthimi i Mourinhos nuk po japin rezultatet e pritura deri më tani. /Telegrafi/