Emma Watson shfaqet rrallë në tapetin e kuq, tërheq vëmendje në gala-në e yjeve në Los Angeles

Emma Watson bëri një paraqitje të rrallë në tapetin e kuq në Los Angeles, duke marrë pjesë në ceremoninë gala të hapjes së Muzeut të Artit Narrativ Lucas. Aktorja 36-vjeçare tërhoqi vëmendjen me një fustan të shkurtër prej kadifeje të zezë, të dekoruar me motive lulesh, të cilin e kombinoi me këpucë të përshtatshme.Gjatë mbrëmjes, Watson u pa duke biseduar me yje të tjerë, mes tyre Cynthia Erivo, Lilly Singh dhe Janelle Monae. Foto: Getty ImagesNë event morën pjesë edhe emra të njohur si Kim Kardashian, Eva Longoria dhe Katy Perry. Gala u organizua nga themeluesit e muzeut, George Lucas dhe Mellody Hobson, përpara hapjes së tij për publikun.Watson së fundmi është parë rrallë në evente publike. Para paraqitjes në Los Angeles, ajo kishte kaluar pushime në Saint-Tropez të Francës. Foto: Getty ImagesNë muajt e fundit, aktorja është përfolur edhe për jetën e saj personale pas një paraqitjeje në Oxford, ku u pa në shoqërinë e një mashkulli.Ndërkohë, vëmendje ka marrë edhe lidhja e saj me ekskluzivitetin “Harry Potter”. Foto: Getty ImagesBabai i Emma Watson, Chris Watson, ka folur për sfidat që fama mund t’u sjellë fëmijëve, duke ndarë përvojën e tij gjatë viteve kur vajza e tij interpretonte Hermione Granger. Ai theksoi rëndësinë e ruajtjes së një jete sa më normale dhe të qëndrimit me këmbë në tokë, pavarësisht famës së madhe. Foto: Getty ImagesKomentet e tij vijnë në një kohë kur po nis puna për serialin e ri televiziv “Harry Potter” të HBO-së, ku rolet e Harry, Hermione dhe Ron do të interpretohen nga aktorë të rinj. Watson e luajti Hermionen për një dekadë në filmat origjinalë të “Harry Potter”. /Telegrafi/ Foto: Getty Images