“Jam shumë krenare për burrin që je bërë”, mesazhi i Cindy Crawford për Presley Gerber para vdekjes

Cindy Crawford kishte ndarë një mesazh prekës për djalin e saj Presley Gerber vetëm dy muaj para vdekjes së tij në moshën 27-vjeçare. Në korrik, modelja publikoi fotografi nga fëmijëria e tij dhe e përshkroi Presley-n si djalin e saj të vogël, duke shprehur krenarinë për burrin që ishte bërë.Vdekja e Presley-t u bë e ditur të dielën. Sipas raportimeve, ai ndërroi jetë në një qendër rehabilitimi pas një beteje disavjeçare me varësinë nga droga, sulmet e panikut dhe problemet e shëndetit mendor, shkruan DailyMail. Familja e tij e kishte mbështetur publikisht gjatë periudhës së vështirë. Në mars, Presley kishte folur për një trajtim me ibogainë në Meksikë, ndërsa Cindy e kishte quajtur luftëtar dhe kishte shprehur krenarinë për guximin e tij. Edhe motra e tij Kaia dhe babai Rande Gerber kishin ndarë mesazhe mbështetëse. Presley kishte shkruar gjatë asaj kohe për përvojën e tij me trajtimin, duke treguar se ishte përballur me frikën dhe vështirësitë e tij, ndërsa shpresonte që kjo të ishte hera e fundit që do t’i duhej të kthehej në një situatë të tillë.Vdekja e tij vjen pak javë pasi motra e tij Kaia foli për ndikimin që vështirësitë e vëllait kishin pasur te familja. /Telegrafi/