Macja në shtëpi apo jashtë? Veterinerët shpjegojnë cila mënyrë jetese është më e sigurt

Liria për të eksploruar ka përfitime, por trafiku, sëmundjet dhe parazitët e ndryshojnë ndjeshëm bilancin e sigurisëVendimi nëse macja duhet të jetojë vetëm brenda apo të ketë qasje edhe jashtë ka përparësi dhe mangësi, ndërsa ambienti ku jeton ndikon drejtpërdrejt në sjelljen, shëndetin dhe jetëgjatësinë e saj.Si ndikon dalja jashtë në sjelljen e macesMacet që dalin rregullisht mund të shfaqin më rrallë disa probleme sjelljeje, si urinimi jashtë kutisë me rërë ose gërvishtja e mobilieve. Arsyeja lidhet me më pak mërzi dhe frustrim, sepse ambienti i jashtëm u ofron më shumë stimuj.Megjithatë, kjo nuk do të thotë se dalja është e domosdoshme. Edhe një mace që jeton vetëm brenda mund të ketë një jetë të pasur dhe aktive nëse ambienti i saj është i përshtatur siç duhet.Është e rëndësishme që të ketë vende për t’u ngjitur, për t’u fshehur, për të gërvishtur dhe për të kërcyer. Lodrat interaktive, shtyllat për gërvishtje, pemët për mace dhe një vend pranë dritares mund ta mbajnë të angazhuar.Po aq e rëndësishme është loja e përditshme me pronarin, e cila jo vetëm e mban fizikisht aktive, por forcon edhe lidhjen mes tyre.Rreziqet shëndetësore dhe jetëgjatësiaMënyra e jetesës ndikon edhe në rrezikun për probleme të ndryshme shëndetësore.Macet që jetojnë vetëm brenda mund të jenë më pak aktive, çka mund të rrisë rrezikun për mbipeshë, diabet, artrit dhe probleme kardiovaskulare, sidomos nëse nuk lëvizin mjaftueshëm.Nga ana tjetër, macet që kalojnë shumë kohë jashtë përballen me rreziqe krejt të tjera.Ato mund të ekspozohen ndaj infeksioneve, parazitëve, përleshjeve me kafshë të tjera, aksidenteve në trafik, helmimeve, temperaturave ekstreme dhe sëmundjeve ngjitëse.Pikërisht për këtë arsye, jetëgjatësia e maceve që kalojnë shumë kohë jashtë zakonisht është më e shkurtër se ajo e maceve që jetojnë brenda, transmeton Telegrafi. Si ta bëni daljen jashtë më të sigurtNëse macja del jashtë, është e rëndësishme të merren disa masa sigurie.Mikroçipi ndihmon në identifikim nëse macja