Kim Kardashian shfaqet me një fustan vintage në galanë e hapjes së muzeut të George Lucas

Kim Kardashian, Eva Longoria dhe Katy Perry tërhoqën vëmendjen me paraqitjet e tyre në galanë e hapjes së Muzeut të Artit Narrativ Lucas në Los Angeles.Kim Kardashian, 45 vjeçe, zgjodhi një fustan të gjatë të zi me xixa, të cilin e kishte kombinuar me flokë të mbledhura në mënyrë elegante. Fustani vintage ishte marrë nga stilisti Law Roach dhe ishte krijuar nga Tom Ford për koleksionin e YSL në vitin 2004, shkruan DailyMail. Eva Longoria, 51 vjeçe, u shfaq me një fustan të bardhë me xixa dhe një dekolte të theksuar, të cilin e kompletoi me bizhuteri diamanti. Flokët e saj kafe të errët i kishte mbajtur të drejta dhe të ndara në njërën anë. Ndërsa Katy Perry, 41 vjeçe, zgjodhi një fustan të bardhë me prerje skulpturore, jakë të lartë dhe dizajn asimetrik.Në eventin e organizuar nga George Lucas morën pjesë edhe emra të tjerë të njohur të Hollywood-it, mes tyre Oprah Winfrey, Nicolas Cage dhe Laura Dern. Kim Kardashian dhe Eva pritet të shfaqen së bashku edhe në komedinë e ardhshme të Netflix, The Fifth Wheel. /Telegrafi/