Ari Bajgora reagon pasi në lagjen e tij në Oslo u shkrua “Kosova është Serbi”

Artisti shqiptar i hip-hopit, Ari Bajgora, ka reaguar në Instagram pasi në një mur përgjatë lumit Akerselva, në lagjen e tij në Oslo, ishte shkruar “Kosovo er Serbia” (“Kosova është Serbi”).Bajgora ka publikuar fotografi të mbishkrimit, ndërsa në një tjetër fotografi shihet se ai është mbuluar me bojë të zezë. Në reagimin e tij, ai ka shprehur shqetësimin për praninë e një mesazhi të tillë në lagjen ku jeton.Në postim ai shkroi:Është e trishtueshme ta shohësh këtë përgjatë Akerselva-s, në lagjen time. Në mur shkruan ‘Kosova është Serbi’. Për shumë njerëz ndoshta është thjesht një flamur dhe disa fjalë, por për ata që kanë kaluar nëpër luftërat në Ballkan, ose janë rritur me trashëgiminë e tyre, është diçka krejt tjetër.Simbolet e tilla nacionaliste mbartin me vete kujtime frike, humbjesh dhe plagësh të vjetra. Mijëra humbën jetën. Miliona u dëbuan nga shtëpitë e tyre, shumë prej tyre duke ikur pikërisht nga ai lloj nacionalizmi që i redukton njerëzit në etni, territor dhe ‘ne kundër atyre’.Mendoj se është edhe e trishtueshme, edhe provokuese që në Norvegji, ku njerëzit kanë gjetur paqe dhe siguri, disa zgjedhin të vazhdojnë të mbajnë qëndrime helmuese, por edhe të ndihen të autorizuar t’i pikturojnë ato në një mur në hapësirën publike. Mund të jesh krenar për vendin nga vjen. Mund ta duash gjuhën tënde, kulturën dhe historinë tënde. Por ekziston një kufi mes mbajtjes së atdheut në zemër dhe përdorimit të lagjeve tona si kanavacë për propagandë nacionaliste. /Telegrafi/ Ari Bajgora/Ig Ari Bajgora/Ig