Ed Sheeran përlotet në skenë dhe flet për luftën Izrael-Gazë

Iz objave izvora

Ed Sheeran u përlot gjatë koncertit të tij në Filadelfia, teksa iu rikthye diskutimit për luftën Izrael-Gazë dhe reagimeve që ka marrë për qëndrimin e tij publik.Në fund të mbrëmjes, këngëtari 35-vjeçar falënderoi fansat dhe tha se bota dhe Amerika janë vende të frikshme në këtë periudhë, por shtoi se reagimi i publikut i jepte shpresë.Sheeran kërkoi gjithashtu falje për prindërit që kishin marrë fëmijët në koncert, duke pranuar se ata mund të mos e kishin pritur që një pjesë e shfaqjes të përqendrohej te lufta dhe çështjet politike, shkruan DailyMail. Ai tha se kishte ndjerë nevojën t’u përgjigjej disa prej pyetjeve që ishin ngritur.Këngëtari theksoi se koncertet e tij kanë në qendër bashkimin e njerëzve me bindje të ndryshme, dashurinë dhe familjen. Ai u shpreh se polemikat nuk do ta ndalojnë të performojë dhe se do të vazhdojë ta bëjë atë që dashuron.Në fillim të koncertit, Sheeran kishte folur edhe më drejtpërdrejt për luftën Izrael-Gazë, duke thënë se nuk mund ta fshihte më mënyrën se si ndihej për këtë çështje. Kjo shënon një ndryshim nga deklaratat e tij të mëparshme, kur kishte thënë se nuk dëshironte ta përdorte platformën e tij për politikë. /Telegrafi/