42 kilometra për t’u sfiduar: Prishtina mbushet me mijëra vrapues

Iz objave izvora

Ka nisur edicioni i 26-të i Maratonës “Prishtina 2026”, me garën kryesore në distancën e plotë prej 42 kilometrash.Starti dhe finishi i garës janë para Teatrit Kombëtar të Kosovës, ndërsa rreth 1 mijë e 600 pjesëmarrës janë regjistruar për edicionin e sivjetmë.Përveç maratonës së plotë, programi përfshin edhe gjysmëmaratonën prej 21.1 kilometrash, garën 10-kilometërshe dhe atë 5-kilometërshe. Për fëmijët është paraparë edhe vrapimi familjar në distancën prej dy kilometrash.Në mesin e pjesëmarrësve ka vrapues profesionistë, por edhe garues që për herë të parë po sfidojnë distancën prej 42 kilometrash.Me këtë rast, Prishtina është shndërruar në një arenë të madhe sportive dhe në një festë për dashamirët e vrapimit.Ndërkohë, Policia e Kosovës ka njoftuar për bllokime të qarkullimit në disa rrugë të Prishtinës dhe Fushë-Kosovës për shkak të organizimit të maratonës.Nga ora 09:00 deri në përfundim të maratonës, qarkullimi për automjete do të ndërpritet në rrugën Prishtinë–Fushë-Kosovë, në drejtim të Pejës dhe anasjelltas, deri te kyçja në autostradën “Ibrahim Rugova”./Telegrafi/