Shtohen problemet për Spalletttin, ylli i ekipit këput ligamentin e gjurit

Kamil Grabara ka pësuar këputje të ligamentit të kryqëzuar të përparmë në gjurin e djathtë, ka konfirmuar Juventusi, vetëm pak ditë pas debutimit të tij mbresëlënës me klubin.Sipas ekzaminemeve mjekësor të publikuar nga Juventusi, portieri polak pësoi një dëmtim në gju gjatë një përdredhjeje në stërvitjen e së shtunës.Kontrollet konfirmuan dëmtimin e ACL-së, ndërsa Juventusi ka bërë të ditur se Grabara do t’i nënshtrohet operacionit gjatë ditëve në vijim për të përcaktuar mënyrën e trajtimit.Klubi nuk ka dhënë një afat të saktë për rikthimin e tij, pasi kjo do të varet nga vlerësimi i specialistëve. Megjithatë, një këputje e plotë e ACL-së zakonisht e lë një futbollist jashtë fushave për pjesën më të madhe të sezonit. Ky është një goditje e rëndë për polakun, i cili të enjten bëri debutimin e tij me Juventusin në fitoren 5-0 ndaj NEC Nijmegen në Ligën e Evropës.Grabara mbajti portën e paprekur dhe madje regjistroi edhe një asistim me një pasim të gjatë që çoi në golin e parë të shënuar nga Nico Gonzalez.Trajneri Luciano Spalletti e kishte veçuar portierin pas ndeshjes. “Dua ta përgëzoj Grabarën, i cili tregoi qetësi dhe aftësi për të luajtur me këmbë. Në ndeshje të tilla, portierët bëhen lojtari shtesë”./Telegrafi/