Pse dështoi kalimi i Julian Alvarez te Barcelona? Laporta zbulon prapaskenat

Presidenti i Barcelonës, Joan Laporta, ka zbuluar detaje të reja rreth përpjekjes së dështuar të klubit për të transferuar Julian Alvarez nga Atletico Madridi, me raportimet se katalunasit kishin ofruar 100 milionë euro për sulmuesin argjentinas.Oferta u refuzua nga Atletico Madridi, i cili këmbënguli se nuk kishte ndërmend ta shiste sulmuesin.Duke folur në Asamblenë e Anëtarëve të Barcelonës, Laporta tha se Atletico Madridi ishte “ofenduar” nga qasja e klubit katalunas dhe pretendoi se klubi madrilen nuk kishte arsye për reagimin e tij.Ai gjithashtu zbuloi se Miguel Angel Gil i kishte thënë se Atletico nuk do ta shiste Alvarezin, pasi nuk kishte alternativë për ta zëvendësuar atë. Laporta shtoi se Atletico Madridi më pas kishte bërë ankesë për kontaktet e Barcelonës me lojtarin, të cilat sipas tyre kishin ndodhur para se të hapej afati i transferimeve.“E gjithë kjo tashmë i përket së kaluarës”, tha Laporta, duke lavdëruar punën e drejtorit sportiv Deco dhe duke shprehur kënaqësinë me përbërjen aktuale të Barcelonës./Telegrafi/