Alfa Romeo paralajmëron "një makinë të re konceptuale" para debutimit në tetor

Alfa Romeo pritet të zbulojë në Paris Motor Show një koncept të ri, të cilin marka italiane e përshkruan si makinën që çdo “Alfista” ka pritur prej kohësh. Koncepti, i prezantuar përmes një videoje dhe një imazhi teaser, premton një dizajn dramatik dhe elemente të reja që mund të ndikojnë në gjeneratat e ardhshme të modeleve Alfa Romeo. View this post on Instagram A post shared by Alfa Romeo (@alfaromeoofficial) Marka thotë se modeli është frymëzuar nga Italia dhe do të kombinojë sportivitetin, dinamizmin dhe kënaqësinë në drejtim.Në teaser vihet re edhe një element i madh ajrimi në pjesën e pasme, ndërsa ngjyra e kuqe thekson karakterin sportiv të makinës. Ende nuk dihet nëse koncepti do të shndërrohet në një model prodhimi, por ai mund të shërbejë si një makinë e re “halo” për markën, me një çmim më të përballueshëm se 33 Stradale. Ndërkohë, Alfa Romeo po punon edhe për një SUV kompakt të gjeneratës së ardhshme, i cili do të zëvendësojë Tonale dhe do të rivalizojë modele si BMW X2, Cupra Formentor dhe Audi Q3 Sportback. /Telegrafi/