E Majta: Ndryshimet e paralajmëruara për pushimet mjekësore nga 7 në 5 ditë, janë shkelje e privatësisë së punëtorëve

E Majta hyn në betejë ligjore me pushtetin për uljen e pushimeve mjekësore. Paralajmërimi i drejtorit të Fondit për Sigurim Shëndetësor, Zlatko Perinski, se i ashtuquajturi pushim bazë mjekësor prej shtatë ditësh do të ulet në pesë ditë, ndërsa shtesë do të kryhet kontroll mbi përdoruesit e pushimit mjekësor, për partinë e udhëhequr nga Dimitar Apasiev është goditje e re ndaj të drejtave të punëtorëve, dhe, ç’është edhe më e frikshme, përpjekje për depërtim në privatësinë e qytetarit.Deputeti Amar Mecinoviq nga qendra e shtypit të Kuvendit njoftoi se grupi i tyre parlamentar do të paraqesë propozim që, në vend të rregullores, kjo çështje të rregullohet me ligj, në favor të punëtorëve.Siç theksoi ai, E Majta, si parti parlamentare ka detyrim të kujdeset për nevojat e qytetarëve dhe këtë do ta bëjë me paraqitjen e propozimeve në Kuvend për mbrojtjen e të drejtave të tyre.