Shqipëria dërgon 17 ushtarakë dhe një helikopter në KFOR

Iz objave izvora

Këshilli i Ministrave ka zhvilluar sot mbledhjen e radhës, ku miratoi disa vendime dhe projektligjin për krijimin dhe menaxhimin e rezervave minimale të sigurisë së naftës bruto dhe nënprodukteve të saj.Një nga vendimet lidhet me angazhimin e Forcave të Armatosura të Republikës së Shqipërisë në misionin KFOR në Kosovë, me një kontingjent prej 17 ushtarakësh dhe një helikopter.Qeveria miratoi gjithashtu një shtesë në vendimin e vitit 2020 që përcakton dokumentacionin dhe rregullat e hollësishme për evidentimin e ndërtimeve pa leje.Në mbledhje u miratua edhe dhënia e mendimit të Kuvendit për një projektligj joqeveritar që parashikon ndryshime në ligjin “Për Institutin e Studimeve për Krimet dhe Pasojat e Komunizmit në Shqipëri”.Një tjetër vendim lidhet me ndryshime në rregulloren për mbrojtjen e sigurisë dhe shëndetit të punëmarrësve nga risqet e lidhura me ekspozimin ndaj agjentëve biologjikë në punë.Në mbledhjen e sotme u miratua edhe emërimi i Mario Keputës në detyrën e zëvendësministrit të Ekonomisë dhe Inovacionit.Këshilli i Ministrave miratoi gjithashtu projektligjin “Për krijimin, mbajtjen dhe menaxhimin e rezervave minimale të sigurisë së naftës bruto dhe nënprodukteve të saj”.Projektligji përcakton rregullat për krijimin, administrimin, depozitimin dhe përdorimin e rezervave të sigurisë së naftës bruto dhe nënprodukteve të saj.Sipas objektit të projektligjit, masat synojnë të garantojnë një nivel të lartë të sigurisë së furnizimit me naftë në Republikën e Shqipërisë.