KFOR hedh poshtë raportimet se në Prishtinë kanë ateruar aeroplanë ushtarakë: Është avion transporti belg

Iz objave izvora

KFOR, përmes një komunikate për media, ka hedhur poshtë raportimet se dje në Prishtinë kanë ateruar dy avionë ushtarakë. Nga KFOR, thuhet se në Prishtinë dje ka zbritur një avion transporti belg, i cili, nuk ka qenë i përfshirë në asnjë aktivitet në mbështetje të KFOR’it. ‘’Në lidhje me lajmet e publikuara sot nga disa media shqiptare, KFOR-i e mohon atë që është raportuar. Dje pasdite, një avion transporti belg ka zbritur në Prishtinë. Ky avion nuk ka qenë i përfshirë në asnjë aktivitet në mbështetje të KFOR-it. KFOR-i është i pozicionuar mirë në të gjithë Kosovën për të përballuar situata të ndryshme sigurie dhe vazhdon të zbatojë plotësisht mandatin e tij afatgjatë të OKB-së, bazuar në Rezolutën 1244 të Këshillit të Sigurimit të OKB-së (të vitit 1999), duke kontribuar në ruajtjen e një mjedisi të sigurt për të gjithë njerëzit që jetojnë në Kosovë dhe të lirisë së lëvizjes, në çdo kohë, në mënyrë të paanshme dhe në koordinim të ngushtë me Policinë e Kosovës dhe EULEX-in, në rolet e tyre përkatëse si aktorë të sigurisë.’’, thuhet në komunikatë, përcjell Gazeta Express.