Enver Hoxhaj para se të hyjë në Gjykatën e Hagës: Betejës së fundit për liri sot i vjen fundi!

Iz objave izvora

Deputeti i PDK-së, Enver Hoxhaj, ka publikuar mëngjesin e sotëm një fotografi para Dhomave të Specializuara në Hagë, pak para se të hyjë brenda për të përcjellë nga afër shpalljen e aktgjykimit ndaj Hashim Thaçit, Kadri Veselit, Rexhep Selimit dhe Jakup Krasniqit. “Betejës së fundit për liri sot i vjen fundi!”, ka shkruar Hoxhaj krahas fotografisë së publikuar në Facebook. Sot, më 16 shtator, në orën 10:00, është planifikuar shpallja publike e aktgjykimit ndaj katër ish-krerëve të UÇK-së, pas një procesi gjyqësor që ka nisur në prill të vitit 2023. Hoxhaj ndodhet në Hagë për ta përcjellë nga afër këtë moment. Përveç familjarëve të liderëve të UÇK-së që ndodhen brenda sallës ku do të shpallet aktgjykimi, i pranishëm është edhe Enver Hoxhaj, mik i ngushtë dhe bashkëpunëtor shumëvjeçar i ish-krerëve të UÇK-së.