Bardhyl Mahmuti publikon letrën drejtuar gjyqtarëve të Speciales: Do të mbeteni në kujtesën e njerëzimit

Iz objave izvora

Shkruan: Bardhyl Mahmuti NË VIGJILJE TË SHPALLJES SË VENDIMIT PO E PUBLIKOJ LETRËN QË MË 14 KORRIK IA DËRGOVA TRUPIT GJYKUES. DHOMAVE TË SPECIALIZUARA TË KOSOVËS NË HAGË (Nëpërmjet znj. Angela Griep, Shefe e Njësisë për Informim dhe Komunikim me Publikun) Drejtuar gjyqtarëve: Çarls Smith III, Kristof Barte, Genël Metro, Fergal Gejnor Raamweg 47 2596 HN The Hague The Netherlands (Holandë) Të nderuar gjyqtarë të trupit gjykues, Në këto çaste të 12 korrikut 2026, kur jeni duke punuar rreth përpilimit të vendimit për procesin gjyqësor kundër Hashim Thaçit, Kadri Veselit, Rexhep Selimit dhe Jakup Krasniqit, Franca përkujtoi 120-vjetorin e vendimit të Gjykatës së Kasacionit që shpalli pafajësinë e kapitenit Alfred Dreyfus. Si juristë të shkolluar në shtetet perëndimore, ju duhet ta njihni mirë “Çështjen Dreyfus”, jo vetëm si një nga gabimet më të rënda në historinë e proceseve gjyqësore në Europën Perëndimore, por edhe si njëra nga shtyllat themelore të etikës profesionale, ku mbështeten juristët, për të shmangur ndikimet politike, ideologjike apo institucionale në sjelljen e vendimeve. Për një jurist, “Çështja Dreyfus” i kujton, nga njëra anë, vendimin e gjykatës ushtarake për të dënuar një njeri të pafajshëm mbi bazën e një akuze të sajuar për shkak të përkatësisë së tij etnike (hebraike) dhe, nga ana tjetër, guximin intelektual të disa personaliteteve të shquara franceze. Edhe sot, në 120-vjetorin e shpalljes së pafajësisë së plotë të Alfred Dreyfusit, kanë mbetur në kujtesën kolektive të juristëve emrat e Émilien Maurel (kryetari i trupit gjykues), Ernest Deleuze, Joseph Prieur dhe oficerët e tjerë të gjykatës ushtarake që dënuan një të pafajshëm! Mirëpo në kujtesën kolektive të intelektualëve të shumë fushave të ndryshme të dijes, ka mbetur i skalitur respekti i madh për guximin e nënkolonelit Georges Picquart, shefin e atëhershëm të kundërzbulimit, i cili, pasi zbuloi provat e pafajësisë së Dreyfus-it, vuri të vërtetën dhe ligjin mbi interesin institucional (ushtrin