Dyshohet për sabotim, kaos në hekurudhat e Holandës – anulohen trena dhe shkaktohen vonesa të mëdha

Iz objave izvora

Një incident i dyshuar si sabotim ka shkaktuar ndërprerje të mëdha në trafikun hekurudhor në Holandë, duke prekur edhe Amsterdamin, ndërsa autoritetet kanë nisur hetimet për të zbuluar se kush qëndron pas vendosjes së qëllimshme të materialeve mbi shina. Operatori holandez i infrastrukturës hekurudhore, ProRail, paralajmëroi se pasagjerët në pjesën qendrore dhe veriore të vendit duhet të përgatiten për anulime dhe vonesa të konsiderueshme gjatë së martës. Problemet kanë prekur disa linja të rëndësishme, përfshirë ato drejt aeroportit ndërkombëtar Schiphol dhe qytetit të Utrechtit. Në të njëjtën kohë, disa kalime hekurudhore në nivel rruge kanë shfaqur probleme në funksionim. Sipas mediave lokale, në disa pika të rrjetit hekurudhor janë gjetur tuba të vendosur mbi ose pranë shinave, transmeton Telegrafi. ProRail deklaroi se në lokacione të ndryshme janë zbuluar materiale që ishin vendosur qëllimisht në shina, duke shkaktuar defekte në disa segmente të sistemit. “Materialet u gjetën në disa pika të shinave dhe ishin vendosur qëllimisht aty. Kjo shkakton keqfunksionime në segmente. Duket se bëhet fjalë për sabotim”, deklaroi ProRail. Kompania e përshkroi incidentin si një “ndërprerje të qëllimshme... të shkaktuar nga veprim njerëzor”. Deri tani, autoritetet nuk kanë identifikuar persona të dyshuar dhe as motivin që mund të fshihet pas incidentit. Njësia kombëtare e policisë holandeze ka nisur hetimet për rastin, ndërsa autoritetet po përpiqen të përcaktojnë se kush i ka vendosur materialet në infrastrukturën hekurudhore dhe nëse incidentet në lokacione të ndryshme janë të lidhura me njëra-tjetrën. Pamjet e publikuara nga transmetuesi publik holandez NOS tregojnë policë pranë shinave në Veenendaal, në pjesën qendrore të vendit, duke transportuar atë që duket të jenë tuba metalikë rreth 1.5 metra të gjatë. Faqja e rrjetit hekurudhor holandez raportoi 15 ndërprerje të ndryshme në të gjithë vendin gjatë së martës. Pasojat janë ndier në disa prej linjave kryesore, duke prek