Kryeministri në detyrë Kurti mori pjesë në hapjen e ekspozitës "Still Running" të Xhevdet Xhafës

Sažetak · Balkan News

Kryeministri në detyrë i Republikës së Kosovës, Albin Kurti, mori pjesë në hapjen e ekspozitës “Still Running” të artistit Xhevdet Xhafa, e cila u hap në Galerinë Kombëtare të Kosovës.Gjatë fjalës së tij, Kurti e vlerësoi ekspozitën si një mundësi të jashtëzakonshme për të njohur krijimtarinë e një prej emrave të rëndësishëm të artit pamor në Kosovë, veçanërisht për brezat e rinj.Ai tha se shtatë dekada krijimtari janë shumë më tepër se një periudhë kohore, pasi përfaqësojnë edhe një pjesë të historisë së Kosovës, ndryshimet shoqërore, kulturore e politike, si dhe transformimet nëpër të cilat ka kaluar vendi. “Përgjatë gjithë këtyre viteve, Xhafa ka qenë dëshmitar, por edhe krijues aktiv i kësaj historie. Vepra e tij është pjesë e kujtesës sonë kulturore. Është pjesë e rrugëtimit të artit pamor në Kosovë dhe një konfirmim i fuqisë që ka arti për të tejkaluar kohën, rrethanat dhe kufijtë”, tha Kurti.Kryeministri në detyrë e cilësoi hapjen e ekspozitës edhe si një moment të veçantë për Galerinë Kombëtare të Kosovës, duke theksuar se rikthimi i këtij institucioni në jetën kulturore të vendit, pas një periudhe të gjatë pune dhe transformimi, merr një domethënie të veçantë përmes një ekspozite të tillë. “Institucionet kulturore nuk janë vetëm ndërtesa. Ato janë hapësira ku ruhet kujtesa, ku prezantohet krijimtaria dhe ku ndërtohet dialogu ndërmjet brezave. Galeria Kombëtare e Kosovës ka përgjegjësinë që këtë trashëgimi ta ruajë, ta promovojë dhe ta bëjë të qasshme për publikun, por edhe ta prezantojë artin e Kosovës në botë. Andaj, hapja e kësaj ekspozite është një moment i rëndësishëm edhe për vetë institucionin”, u shpreh ai.Kurti vlerësoi gjithashtu kontributin e familjes Xhafa në realizimin dhe kurimin e ekspozitës, duke e cilësuar atë si shembull të bashkëpunimit mes familjes, institucioneve dhe komunitetit artistik për ruajtjen dhe përcjelljen e trashëgimisë kulturore. Ai tha se krijimtaria e Xhafaës dhe ndikimi i tij në artin pamor të Kosovës kanë lënë gjurmë të r